بقلم دكتوره هبه محروس
خمول الغده الدرقيه
المتهم الأول في صعوبه نزول الوزن..
اي حد مش بيخس علي طول نقوله يمكن عندك خمول أو كسل في الغده الدرقيه
اعرف ازاي ان عندي كسل في الغده الدرقيه ؟ايه الأعراض وايه احسن نظام غذائي ممكن اتبعه ؟هل في اكلات معينه مفروض أهتم بيها واكلات اتجنبها ؟؟؟ايه الحاجات اللي ممكن تساعدني علي استعاده نشاط الغده؟؟ تعالوا نشوف
اولا امتي افكر ان عندي كسل او خمول في الغده الدرقيه (الاعراض):
١.شعور بالتعب وانخفاض الطاقه
٢.قله التركيز
٣.الامساك
٤.جفاف البشره وتساقط الشعر وضعفه
٥.الشعور بالبرودة بالرغم من حراره الجو العاديه
٦.الم الأطراف والعضلات
٧.بطء ضربات القلب
٨.صعوبه الحمل
٩.اضطراب الدوره الشهريه او انقطاعها
وطبعا صعوبه نزول الوزن مع الدايت
دي كده الأعراض اللي ممكن تدل علي خمول أو كسل الغده بس مش كافيه للتشخيص
لكن وجود معظم او كل الاعراض دي يخليني افكر اعمل تحليل هرمونات الغده (TSH…free t4) وهو ده اللي هاياكد او ينفي التشخيص..تمام كده
لو طلع ال TSH مرتفع و ال Free T4 منخفض يبقي أنت كدة بتعانى من كسل غدة صريح و لازم تتعالج
لكن لو طلع ال TSH مرتفع و ال Free T4 طبيعى يبقي انت كدة عندك كسل غدة بدون أعراض او ما يسمى ب subclinical hypothyrodism و دة مش هيحتاج علاج إلا لو ال TSH أكتر من ١٠ أو معها أعراض بنبتدى نعالج
طيب في حاله تشخيص خمول الغده المفروض اعمل ايه؟
اول حاجه اروح لطبيب باطنه تخصص غدد صماء عشان اخد الهرمون التعويضي اللي هايخلي الغده ترجع تشتغل بشكل طبيعي وطبعا الطبيب فقط هو الوحيد اللي بيحدد جرعه العلاج وبيتابع معايا بالتحليل و خلي بالك علاج الغده يفضل اخده الصبح البدري قبل الاكل تماما عشان يحتفظ بفاعليته.
طيب ايه انسب نظام غذائي ممكن اطبقه عشان وزني ينزل في الحاله دي؟؟؟
.الصيام المتقطع من افضل الانظمه اللي ممكن اطبقها بشرط اخد وجبات صحيه متكامله مع تقليل الكاربوهيدرات
و لازم اكلي يكون غني ب٣ عناصر مهمه جدا لصحه الغده:
الزنك
موجود في اللحوم الحمراء
الشوكولاته الداكنه
المكسرات
البيض
منتجات الألبان
البقوليات
السلينيوم
موجود في الحبوب الكامله
الجبن القريش
البيض
المكسرات
المأكولات البحريه
وفية كمان مكملات غذائية بتحتوي ع السلينيوم
