كتبت المستشار دينا المقدم
العديد من المواطنين مازالوا يجهلون الكثير عن القانون ويستشعرون الخوف من اى إجراء قانونى مما يجعلهم فريسة لهذا الجهل وبالتبعية يتم استغلالهم بكل الطرق السيئة إلا أننا فى باب الحقانية قررنا أن نضئ للمواطن البسيط بعض النقاط المظلمة ليتعرف على حقوقه ويحصن نفسه من الجهل بالقانون
اليوم نعرض لسيادتكم الفرق بين ايصال الامانة والشيك والكمبيالة
وأيهما أفضل وكيف يقوم المواطن بكتابة ايصال أمانة صحيح وقانونى
ايه الفرق بين الشيك وايصال الأمانة والكمبيالة وايه فيهم اقوى ويضمن الحق
اولا الشيك:الشيك نوعين
نوع عادى وهو الشيك المتداول بينا وده تقدر تصرفه فى اى وقت (دفتر الشيكات العادى)
وشيك مسطر وده متقدرش تصرفه إلا فى وقت محدد بيحدده صاحبه
ولحد فترة قريبة كان فى حاجة اسمها شيك خطى وده كنت تقدر تلاقيه فى اى مكتبة لكنه تم إلغائه
مميزات الشيك:
.أن المحكمة مش بتحقق فى سبب اصداره يعنى ايه الكلام ده يعنى لو اتنين تجار مخدرات مثلا واحد فيهم كتب للتانى شيك لما يتم النزاع فى المحكمة القاضى ملوش علاقة بسبب كتابة الشبك فيبقى النزاع على الشيك فقط
دفاعات الشيك محدودة لانه لو كان الشيك بدون أخطاء وسليم وبدون إكراه يقدر صاحبه يطعن بالتزوير علشان يطول القضية لحد ما يجهز المبلغ المتنازع عليه
وعلشان الشيك يكون سليم فلازم يكون مكتوب عليه اسم البنك وتاريخ ومكان إصداره واسم وتوقيع صاحب الشيك ويكون عاقل رشيد بالغ
جريمة الشيك هى جنحة شيك بدون رصيد عقوبتها من 24 ساعة إلى 3 سنين وعادة بيتم التصالح بين الطرفين
ثانيا إيصال الأمانة:
لازم يكون بين تلات أشخاص ولكن مؤخرا استثناءا بعض المحاكم والقضاة دلوقتى بيقبلوا إيصال الأمانة بين شخصين لكن انت كمان تقدر تطعن وتتمسك ببطلانه لانى نفى شرط من شروطه
وعلشان يكون إيصال الأمانة صحيح خد بالك من النقاط دى
اولا لازم إيصال الأمانة يتكتب بخط الايد ويمضى عليه المستفيد بخط ايده ويبصم بإبهام اليد اليمنى وان يكون كل من الطرفين بالغ سن الرشد وعاقل وغير فاقد الاهلية
لازم يتم وضع عنوان واسماء الاطراف وارقامهم القومية
إيصال الأمانة مش بيتكتب فيه تاريخ حتى لا تنقضى الدعوى الجنائية بمصر ثلاث سنين عليه
لازم إيصال الأمانة ميكونش مكتوب لشئ منافى للآداب العامة اى شئ ضد القانون كمان سهل جدا تلاقى إيصال الأمانة فى اى مكتبة
كمان إيصال الأمانة هو الأقوى لأن الحبس فيه وجوبى يعنى القاضى مش بيكتفى فيه بالغرامة بس عقوبته بتصل إلى ثلاث سنوات
ملحوظة قائمة منقولات الزوجية تعتبر من ايصالات وعقود الأمانة
ثالثا الكمبيالة:
هى ورقة بتتكتب بتاريخ معين ومبلغ معين أطرافها ثلاث اشخاص مستحقة الوفاء بقيمتها وهى شبه الشيك فى تعاملاتها وهى أضعفهم
الخلاصة:إيصال الأمانة هو الأقوى إذا كانت كل شروطه متوفرة
قال رسول الله صلى الله عليه وسلم
إذا تداينتم بدين إلى أجل مسمى فاكتبوه
