بقلم ريهام طارق
مرض الصلب المشقوق المرض اللي سرق فرحه اطفالنا من اول حياتهم وحرمهم من اقل وابسط حقوقهم زي اي طفل عادي بحلم تساعدوني صوتي وصوت كل الاطفال إللي معايا يوصل للرئيس عبد الفتاح السيسي ووزيره الصحه ووزير الشباب والرياضة ووزيره التضامن الاجتماعي
المرض ده بيحتاج اكتر من ست تخصصات طبيه ف نفس الوقت
المرض اللي حكم علي اولادنا تعيش علي كرسي متحرك
ومنهم اللي جاله فشل كلوي
دا غير عمليات المخ من اول يوم ولاده
وعمليات العظام
دا غير الجبس
عارفين يعني ايه طفل عايش بجهاز ف دماغه والام بتموت من خوفها عليه ف اليوم ١٠٠مره
طفل لا يتحكم في الاخراج
طفل بيستعمل استره طول عمره
طفل مش حاسس برجليه ااصلا ومستغرب شكلها
كل ده واكتر ومشاكل جهاز هضمي
وعلاج طبيعي يبقي لازم استغاثة لرئيس الجمهوريه
استغاثه للعالم كله انقذوا اطفال مافيش علاج يشفيهم
علي الاقل نعمل مستشفي نجمع فيها كل التخصصات
احنا بنطالب بمستشفي للصلب المشقوق
عاوزين مستشفي لأطفال الصلب المشقوق
الاطفال بتموت من الانتظار ف المستشفيات
محتاجين مستشفي مخصصه لعلاج الصلب المشقوق يجمع كل التخصصات اللي محتاجينها في مستشفي واحد نتابع تتم فيها كل العمليات واحنا مطمنين..
الانتظار مش في مصلحه أولادنا🦽💪
