بقلم مامي ريهو ❤️
(والريح التي سخرها لسليمان، سيسخر الله مثلها ليُطمن قلبك)
كل لحظات الندم إللي عشناها كان سببها الرئيسي هي أننا بنيجي علي نفسنا أكتر من اللازم وعلشان المركب تمشي
سكتنا في وقت ما كنا لازم نتكلم
اتظاهرنا بالجهل في وقت ما كنا فاهمين كل حاجة بس علشان منخسرش ناس بنحبهم
رسمنا علي وشنا ضحكه و إحنا جوانا منهار بنبكي بحرقه
إتعلم تقول لا، أنا رافض الوضع دا، وحش مش حلو، مش عاجبني، اتعلم تقول مش هقدر ، مش بحبه
رد باللي جواك مش باللي يرضي اللي ادامك
عاوز تصرخ اصرخ عاوز تعيط عيط عاوز تعاتب عاتب عاوز تقول لحد بحبك قول متتكسفش مش عيب علي فكره
اتعلموا وعلموا ولادكم الصراحه والمواجهه والشجاعه وعدم الخوف من انه يتكلم أو يعبر عن رايه
خليك حقيقي و عبر عن نفسك في سلام بدون تناقض
بلاش تلبس ماسك مش حقيقتك علشان ترضي أي حد علي حساب قلبك مشاعرك و أحاسيسك و مبادئك
متخافش من الألم وقول لنفسك وقت وهيعدي
عيش كل تجربه واتعلم من مرها وافرح بحلوها اي تجربه بنعدي بيها ليها نصين حلو ومر
المر إللي ماليها هو إللي هيحسسك بطعم الحلو إللي فيها
طلع أول بأول أي طاقه سلبيه جواك
بلاش تكبت مشاعرك لتنفجر فجاه في وش إللي ادامك وممكن جدآ يكون الشخص الصح إللي جالك في الوقت الغلط
إللي مالوش أي ذنب في معاناتك
أو تتحول طاقتك السلبيه لمرض في جسمك يفضل ملازمك طول عمرك
أوعا تخلي الماضي معقدك او يشوه قلبك او يخليك جبان وخايف من اي جديد
اتعلم درسه ومتبصش وراك تاني
إللي يقع منك وانت ماشي في الطرق أوعا توطي تجيبه كمل هتلاقي الجديد اللي يعوضك عن إللي ضاع ويحلي كل المر إللي مريت بيه ويخليك تدوق شهد العسل إللي لسه مدقتهوش
Mammy Reho ❤️
