قال الدكتور مصطفى مدبولي، رئيس مجلس الوزراء: “الحقيقة إحنا كحكومة وبتوجيه من الرئيس عبد الفتاح السيسي، من أول لحظة لازم يبقى عندنا رؤية واضحة حنتحرك إزاي الفترة المقبلة، وإزاي حنخرج بأقل تأثير ضار من فيروس كورونا، وده يمكن لأننا عمرنا ما بننسى أن رؤيتنا لمصر في 2030 أن تكون من أفضل دول العالم في كل مناحي الحياة، متمثلة في جودة الحياة والاقتصاد والحوكمة والأداء الحكومي والجوانب الاجتماعية والبيئية”.
جاء ذلك خلال افتتاح الرئيس عبد الفتاح السيسي، اليوم الإثنين، عددًا من المشروعات التنموية والقومية بمجمع الجلاء للقوات المسلحة، والتي تشمل تطوير منطقة شرق القاهرة، وقصر البارون بعد ترميمه، وكذلك مطارَي سفنكس والعاصمة.
وحضر الاحتفال رئيس الوزراء الدكتور مصطفى مدبولي، ورئيس مجلس النواب الدكتور علي عبد العال، وعدد من الوزراء وكبار رجال الدولة.
وأوضح مدبولي أن “كل هذه الجوانب إحنا شغالين عليها كدولة ووضعنا نصب أعيننا خطة طويلة ومتوسطة المدى؛ لكن احنا شغالين على الأرض، علشان نعرف إيه اللي هانفذه خلال السنة القادمة أو السنتين المقبلتين علشان اقتصادنا وخططنا ورؤيتنا متتأثرش بالظرف الاستثنائي اللي إحنا فيه النهارده”.
وتابع رئيس الوزراء: “علشان كده كانت خطة تحركنا إننا عندنا قطاعات واعدة أجمعت المؤسسات الدولية على أن مصر لابد من أن تركز عليها السنتين المقبلتين”؛ لتحقيق النمو الاقتصادي.
وتابع مدبولي: “من أهم هذه القطاعات التشييد والبناء والاتصالات وتكنولجيا المعلومات والطاقة والبتروكيماويات والصناعة والزراعة والتجارة وسلاسل التوريد.. وكل هذه القطاعات اللي احنا شغالين عليها كدولة بمشروعات محددة مش للعشر سنين فقط ده للعام المالي المقبل والعامين المقبلين؛ حتى لا يثأثر اقتصادنا”.
