كتبت/رنيا النجار
((حديث حول تبرير الخيانه الزوجيه😠))
بتخون مراتك ليه🤔 ؟؟
الزوج .. اصلها نكديه وزنانه وعنديه ومش مهتمه بيه وصوتها عالي وبتزعق علي طول 🙄…
** ياستي بتنكدي وتزني وتقرفي عيشة جوزك ليه😔 ؟؟
الزوجه.. يا استاذه … انا عملت للي انتي تتخيله وللي متتخيلهوش ولاقيت كل حاجه زي بعضها عملت زي ماعملتش 😲..انا مطحونه معاه ومع الاولاد والبيت ومتحمله اسلوبه السيئ وتكشرته وكل حاجه مش عاجباه متحمله الضغوط الماديه وادبر ده واشوف ده محتاج ايه. وكل الحمل والمسؤليه عليا انا😣 . انا الام والاب في البيت تعبت من قلة الاهتمام والتقدير والبيه جوزي من اول جوازنا وهو مقضيها مع ستات اشكال والوان😠 وانا خلاص فاض بيا سيبته يعيش لملزاته ومزاجه وحياته 😢 .. ازاي عايزاني اهتم بيه وهو مش شايفني غير ام وخدامه لعياله وبس 😲بشوف نظراته لستات بره بيكولهم بعينيه مابيعملش احترام لوجودي معاه ده بيكلم الستات بمنتهي الرقه والاحترام وانا بيكلمني كأن واحد صاحبه معملش كرامه ليا ولا احترام قدام الناس … انا اخر حاجه ممكن يفكر فيها !!
انا للي عايزه اسأل الرجاله سؤال لو الست هي للي بتعمل كل ده ياتري الرجل هيستحمل ويعيش عشان يربي العيال ياتري هيتحمل كل العناء للي هي عيشاه في بيته. فين المودة والرحمه للي ربنا وصي الرجل بيها فين وعده لربنا وللزوجه واهلها انه هيراعي الله فيها ..
ياستاذه احنا اصبحنا في زمن صعب والزوجه بقت لما تلاقي مفيش تقدير 💔 بتبص لزوجها العين بالعين هتعاملني هعاملك هتبعني هبيعك من الاخر الرجل وصل المراه لو حست انه بايعها مبتبكيش عليه بتمشي وبتدوس
ومابتبصش وراها💔 هتقولي فين الحب للبينكم هقولك اساليه هو للي موته مع اول وحده عرفها عليا من الاخر مابقاش ليه في حياتي مكان انا عايشه اربي عيالي وبس 😢
“للاسف ده ملخص اغلب البيوت” قبل ما تنتقد زوجتك وتبرر خيانتك ليها تأكد ان البدايه عندك انت ولو انت بالفهلوه والحداقه بتداري علي افعالك فتأكد ان ربنا مطلع عليك وهو للي هيحاسبك..
((يعلم خائنة الاعين وما تخفي الصدور))
“اتقوا الله في النساء فأنكم اخذتموهون بأمانه الله”
“واستوصوا بالنساء خيرا ”
عزيزي الرجل تخلص من شماعه الحجج والمببررات الفاشله وتأكد ان الله عز وجل يكره الظلم ..
