قعدة ستات…
فيه حاجات مهما السنين عدت علينا او كبرنا فى العمر..بتفضل متعلقين بيها جدا…وبتفضل تفرحنا كأننا لسة عيال صغيرين….
وفيه حاجات ..حتى لو احنا لسة فى مقتبل العمر….بنحس ان اوانها راح وماعدش ينفع نعملها ..لاننا ببساطة ماعدناش نملك الروح اللى تقدر تستمتع بالشئ ده..او لاننا فى موقع مسؤولية وفيه ناس غيرنا مسؤولة مننا…
سألت صحباتى فى قعدة ستات عن الحاجة اللى كبروا عليها..والحاجة اللى عمرهم ماهيكبروا عليها ابدا…
وكانت إجابة معظمهم ان عمرهم ماهيكبروا على الشيكولاتة والملاهي والدلع وحضن الاب او الام…
لكن الحاجات اللى كبروا عليها فكانت معظم اجابتهم انهم كبروا على الراحة والبال المرتاح..وكأن كلنا ماينفعش نقول اه..او نروق بالنا…لازم نيجى على نفسنا ونقف ونشيل ونخدم الكل حتى لو تعبانين…لاننا ماينفعش نرتاح…وماينفعش بالنا مايفضلش مشغول بكل صغيرة وكبيرة ونشيل هم الكل …وده اكبر غلط بنقع فيه كستات وكأننا لو اخدنا وقت نرتاح فيه او نرفه عن نفسنا فيه بحاجة بنحبها او ممارسة هواية تبسطنا نبقى كدة مقصرين فى واجبنا ناحية الناس اللى بنحبهم…ونسينا انه لا يكلف الله نفسا إلا وسعها..وان لازم يكون عندنا مساحة من الخصوصية اللى نعيشها لنفسنا ونستمتع بالوقت ده..منغير ماتشعر بتأنيب ضمير او تقصير تجاه الآخرين…حتى علشان نجدد طاقتنا ونقدر نكمل الرحلة وتحمل المسؤولية…بنفس راضية وبال مرتاح ..وكدة نقدر نعطى اكتر ونفيد اللى حوالينا اكتر…بلاش ترهقوا نفسوا ياستات..بلاش تنسى نفسك وتجهديها لآخر نفس….انتى محتاجة تاخده نفسك وتعيشى…علشان تقدرى تسعدى وتساعدى اللى حواليكى..
#azza sabriy #
قعدة ستات
