كتب/عزة صبري
الفيونكة النهاردة هتكون فى علاقات الناس ببعضها..هنبعد شوية عن اتيكيت الاكل واللبس وهنتكلم عن اتيكيت العلاقات…ازاى اتعامل مع المحيطين بيا…سواء اهل او اصحاب او جيران…هاقولك على كلمة سحرية لو طبقتيها فى حياتك هتعيشى فى سلام إلى حد كبير…الكلمة السحرية دى اسمها(( المسافة الآمنة))….ايوة بالظبط كدة…وزى ما احنا بنسمع الكلمة دى بقالنا سنة وشوية ضمن تحذريات كل منظمات الصحة العالمية والمحلية حفاظا على حياتنا من الوباء المنتشر…فالكلمة دى اذا طبقناها فى نطاق علاقتنا هتحمينا من اضرار كتير…
كل شخص مهما كانت درجة قربك منه لابد انه يكون له حدود لا ينبغى تخطيها تحت اى مسمى …له عالمه اللى لا يصح اننا نقتحمه فى اى وقت بدون سابق إنذار….لا يحق اساسا لاى شخص ان يقتحم خصوصيات الآخرين….والكلمة دى بتختلف من شخص لآخر ومدى علاقتى بالشخص ده..لكن بتتفق جميعها على ان المسافة الآمنة هى افضل طريقة للحفاظ على تلك العلاقة أطول فترة ممكنة…
#azza sabriy #
