كتبت ريهام طارق
هو ربنا بيغفل!!!!! هو ربنا بينام!!!!!!
هو ربنا ليه مش بيستجيب لدعائي بسرعه !!!!
ليه حقى مرجعش لحد دالوقتي من اللي ظلمني
هو ربنا هيسيبه ياخد حقي وأنا إللي فوضت أمري اليه ؟
افهم و ركز معايا كويس جدا في إللي جاي.
في يوم من الايام سيدنا موسي حب
يعرف ربنا بينام وله لاء؟
فيسأل ربنا.. قائلاً..يارب الا تنام ؟
فتعجب الله .. وقال يا موسي…ان أردت هذا . ف أذهب الي الجبلين !!
وفعلاً ربنا أوحى لسيدنا موسي بمكان الجبلين.. نركز بقي هنا كدة !!
راح سيدنا موسي وواقف بين الجبلين.. بعيد عنهُ بشوية, بئر ماء
فى لحظة فات شاب طويل وعريض قوي البدنَ و شرب من البئر ده
وهو بيشرب وقع منهُ صُرة فيها نقود!! وقام مشي بدون ما يخد بالهُ!
لحظات وفات طفل صُغير من جنب البئر فشاف صُرة النقود فـ لحظة أخدها وجري
بعدها بدقايق, فات راجل كبير عجوز فشرب من البير, وسند ضهره عليه عشان يرتاح,فجأة رجع الشاب اللي وقعت من صُرة الفلوس وافتكر انها وقعت وهو بيشرب من البير,لما رجع ملقاش غير العجوز ده.. قال لهُ انت اللي اخدت النقود
العجوز: نقود ايه يا ابنى
المهم كل ده وسيدنا موسي بيراقب من بعيد ومش فاهم ايه بيحصل الشاب قتل الرجل العجوزة ده !
سيدنا موسي وقتها اتفزع وبصوت عالي قال
يارب حصلت مظلمة فى الارض..الطفل الصغير هو اللى اخذ النقود والرجل العجوز مات ظًلم يارب.
فرد ربنا سبُحانهُ وتعالي على سيدنا موسي.. يا موسي أيليق بي ان يُظم احدً فى مُلكي !!
يا موسي النقود اللي وقعت من الشاب.. كان سارقها من ابو الطفل الصُغيره ورجع الحق لصاحبهُ فى الدنيا.
يا موسي العجوز اللي مات ده,كان قاتل ابو الشاب ده ظُلم والشاب ده كان لسه طفل وقتها ورجع الحق لصاحبه.. فى الدنيا..
– عرفت يا موسي ايليق بي ان انام وأغفل ام لا !!
حينها فخر ساجدُ مستغفراً لله.. لو انت صاحب حق,او مظلمة,او اذي نفسي اتسببلك فيه حد,والله لتدور الدايرة وهترجع الحقوق كاملة مُكمّلة
أوعا تقلق لو الوقت طال ربنا بيمهل ولا يهمل,
ربنا بيدى وقت للناس تعدل من ظلمهم,وتراجع نفسها,لكن لو محصلش لازم القدر يتدخل ويصفى كُل الحسابات دى.. بطريقة عادله..بطل خوف وقلق بقا حقك هيرجع ف المعاد بظبط وكل واحد هيرجع له حقه وهو مطمن واعد يتفرج لما تتبادل الأدوار
دعوه المظلوم الدعوه الوحيده التي ليس بينها وبين الله حجاب والله يغفر الذنوب جميعاً إلا ظلم عباده
اطمن وخد نفس عميق وقول دايما فوضت أمري إلي الله حقك راجع راجع المسأله مساله وقت
