بقلم ريهام طارق
من احلي🎁 Gifts 🎁
إللي جت لي في عيد ميلادي🎂 برفيوم Gucci
علشان بحبه ااااااااااوي😍
صرخت لما شفته وجريت فتحته وحطيت منه وأنا مغمضه وفرحانه أوي بس اكتشفت إني مش شامه اي حاجه ودا طبعاً لاني مريضه الايام دي
فرحتي راحت وشيلتها تاني في علبتها وحطتها في دولابي وقفلت عليها 🤷
فجاه عملت فلاش باك في عقلي افتكرت الناس الصح👌 إللي بتيجي في الوقت الغلط🙃
افتكرت الباب الموارب إللي بنخاف نقفله لا دا إحنا بنترعب نقفله والنتيجة جرح وكسر وهشاشة في الروح
لما بنكون فقدنا الشغف بكل حاجه وخلصنا طاقتنا في كل حاجه غلط🙇
لدرجه أننا بنكون مش عندنا القدره أننا نستقبل أي جديد او نحس بيه حتي لو حابينه أو عاجبنا بطلوا بقا تحرقوا بطاريات مع الناس الغلط واقفلوا الباب بسرعه والغوا مبدأ المواربه
ولله بتكون كل حاجه واضحه من الأول🧏
إحنا بس كائنات بتموت في الفرهده🙇
نعشق الغلط ونرجع نسب ونلعن في الناس والزمن 😏
🙋 اشتري نفسك وفكك من إللي يعطلك ويخليك تخسر فرصه وجود الناس الصح في حياتك 💁
يالا نركز ونبص حوالينا ونفوق علشان منخسرش نفسنا قبل ما تخسر إللي حوالينا
#كلمتين_وبس
